جيفارا مصر

يوميات معتقل فى سجن الغربنيات : جزء 2

04:05 - 2008/6/29
0التعليقات .. رابط ..

وقفت معاكم المرة اللى فاتت عند بداية النهار الاول لليوم الثانى داخل سجن برج العرب وعن حديث الاخوان المسلمين والتيارات الاخرى عن الاضراب وكانت الكلمة بعد صلاة الظهر للدكتور : اسامة نصر الدين رئيس مكتب الاخوان بلاسكندرية ودلوقتى بقا عضو مكتب ارشاد المهم اتكلم اخينا عن التخريب والاضرار بمصالح المواطنين ومصلحة الوطن فوق الجميع ومنوقفش العمل عشان بلدنا مصر تذدهر وعن المخربين طبعا اللى هما احنا وكمان عن فشل الاضراب يعنى من الاخر نتف ريشنا من اول لحظة ولما جاءت اعترض قالوه بعد انتهاء الحديث والفقرة اللى بعديه واذاعة نشرة الاخبار يعنى من الاخر موت يا حمار قامت وسبتهم واتخنقت منهم ورواحت اقعد مع زملائى نضحك ونهزر ومقضينها وبعد نتعرف على بعض شوية بشوية وعدا يوم الثلاثاء وجاء يوم الاربعاء وبدانا نستقبل الوافدين الجدد من اضراب 6 ابريل وجاءت مجموعة كفر الشيخ وكانور 7 كلهم من حزب الكرامة وفيهم اب وابنه وكان الحاج محمد صباحى وابنه ابراهيم محمد صباحى وسامح حسانين ومصطفى وناجى ووليد وابراهيم المهم

دى صورتى فى صالون المدونين فى اسكندرية الى جانب الشاعر عبد الرحمن يوسف مش انا ابو ذقن

استقبلنهم وقعدنا وظبنلهم القعدة وبدانا نتعرف على الوافدين الجدد ونتكلم فى كل حاجة واى حاجة وايه اللى يعرفوه فى الايام اللى فاتت عشان احنا مش عارفين حاجة خالص قالولنا ان المحلة موالعة نار والمحتجزين هناك بالمئات وكلمونا عن نجاح الاضراب اللى بتتكلم عنه الجرائد وفجاة جاء لنا الكنز عبر الاخوان المسلمين الا وهو جريدة الدستور وكمان العدد الاسبوعى وبالمنشات العريض نجاح اصراب 6 ابريل رغم انف الاخوان والاحزاب على الرغم من ان حزب الغد شارك وكمان الكرامة شارك بس عادى مجمل الاحزاب مشاركتش فى الموضوع المهم بدانا نقرا المكتوب فى الدستور وبينى وبينكم الواد محمد الدسوقى رشدى ده اول من اخدلى بحقى من الاخوان وكان مظبطهم على الاخر وعدل مزاجى اوى بكلامه ويوم الاربعاء باليل فاعدنا نلعب افلام طبعا عارفين لعبة الافلام ولا هتقولولى مش عارفنها وخلاصنا ونمنا وصبحنا يوم الخميس وعلى الساعة 11 جاءت لنا الزيارة ويا سلام يا سلام على فراخ ام قطب واسالو عن فراخ ام قطب احمد عراقى واحمد جابر وصفوان وحسن ومحمد صباحى وكل الحجرة رقم 3 عنبر 22 المهم احكيلكم الاول على الزيارة وبعدين نتكلم عن الاكل الزيارة جاءت واحنا بنصلى الظهر واستنونا وكانت من الاستاذ محمد الوسيمى من حزب الغد وعبد الرحمن الجوهرى من كفاية ومحامى من هشام مبارك واتكلمنا معاهم عن الاحوال بره وليه الاستئناف بتاعنا اتاخر وازاى انهم مكنوش عارفين مكنا وكانو مفكرين اننا متعلقين فى امن الدولة وطبعا ارسلت جواب للبيت عندى عشان اطمنهم وقالولنا انهم هيقدموه الاستئناف يوم السبت وعلى فكرة يوم الخميس ده كان نزل 13 واحد بتوع دمنهور جلسة واخدو اخلاء سبيل وكمان 2 من اسكندرية احمد جابر ورفيق واخدو اخلاء سبيل هما كمان ده كمان الى جانب الزيارة يعنى من الاخر كان يوم سعيد ده كمان الى جانب فراخ خالتكم ام قطب اللى تاكلوه صوابعكم وراها وهسيبكم دلوفتى وارجع تانى بكره عشان انا هنام سلام موقت