جيفارا مصر

يومياتى فى المعتقل :6 ابريل : جزء (1)

07:15 - 2008/6/10
1التعليقات .. رابط ..

دى صورتى انا وعراقى فى المحكمة لما اخدنا اخلاء سبيل عراقى وانا وراه

ويفراحة ما تمت بعديها صدر لينا قرار الاعتقال

البداية كانت يوم 6/4 صباحا لما نزلت من البيت وتوجهت الى المنشية حسب الدعوة اللى كانت على الفيس بوك وكنت على اتصال بزميلى احمد عرافى باستمرار وعلى الرغم من التحذيرات من زملائنا اضافة الى بيان الداخلية الا ان مكنش ينفع ندعى الناس ومنروحش ونزلنا وتم القاء القبض على من امام المحكمة الكلية الساعة 10.40 دقيقة وبهذا كنت اول المقبوض عليهم بلاسكندرية ولم علم زميلى احمد عراقى بلامر ظل منتظر ويتابع الامر على الرغم من تحذيرات ورجاءت الجميع له بان يذهب لانه مستهدف من الامن ويعنى من الاخر عاوزينه المهم مفتش نص ساعة ولقيت احمد عراقى مشرف معايا شوية على الساعة 12 ذهبنا الى معسكر الامن المركزى فى كوم الدكة على فكرة احنا الاول كنا فى قسم المنشية المهم رواحنا كوم الدكة وقاعدنا هناك لحد الساعة 9 باليل وطبعا طول الفترة دى كان فى كل شوية كلام من امن الدولة مع اى حد فينا وبعد الامن المركزى ذهبنا الى قسم العطارين قعدنا هناك ساعتين وبعديه راجعنا المنشية تانى كل ده من غير ما ندخل الحمام او ناكل وفى قسم المنشية بردوه مرضوش يدخلونا الحمام ولا يجبولنا اكل لحد الساعة 1.30 باليل ونامنا الليلة دى والصبح ذهبنا الى النيابة وهناك جاء لى ناس من الحزب والمحامين وانطسنا 15 يوم وجاءت لى والدتى واخواتى وجواز اختى النيابة وعلى وجوههم اسما علامات الهلع وبعد ما اخدت 15 يوم رايت دموع والدتى واخواتى وانا بقولهم انى رايح سجن برج العرب ( الغربنيات) وصلنا السجن على الساعة 5 مساء ودخلنا وهناك قالولنا انهم كانو مفكرين اننا هنبقا كتير ودخلنا وسلمونا هناك كوحيل ازرق عشان مكنش فيه كوحيل بيضاء والكحول هو اللبس اللى بنستلمه من السجن ولبسنا وكنا 6 انا وعراقى وصفوان وحسن وابو عبدالله واسماعيل وانضم لينا 4 تانين من اسكندرية هما احمد جابر ورفيق ومصطفى ومحمود وبقينا 10 من اسكندرية وبعديها ب 10 دقايق لقينا 13 واحد من دمنهور منهم اتنين من حزب الغد ودخلنا الغرف وكنا فى عنبر 22 حجرة 3 والبحيرة فى عنبر 22 غرفة 6 المهم نمنا ليلتنا هناك والصبح الساعة 8.30 فتحوا الباب وحرجنا فى الجنينة وبداءنا نتعرف على الموجودين وعرفت ان كريم عامر فى حجرة 1 ورواحت وسلمت عليه وقعدت معاه شوية وبعد كده رواحت اشوف الناس بتاعت دمنهور وقبلتهم وقعدت شوية مع نفسى وبعد كده ذهبت الى صلاة الظهر وبعد الصلاة سلمت على الاخوان واكنو كتير هناك وبعديها كان فيه كلمة لاسامة نصر الدين رئيس مكتب الاخوان بلاسكندرية بيتكلم فيها عن 6 ابريل وان الجماعة ضد التخريب وايقاف مصالح المواطنين والدولة يعنى من الاخر نفس كلام الحكومة وطالعونا احنا المخربين ولما حاولت اعترض مالحقتش لانهم مبيدوش فرصة لحد انه يتكلم وسبتهم وطالعت بره وبدا الاخوان يتكلموه عن نضج قرارهم بعدم المشاركة وازاى هما حموا الوطن وكمان نشطائهم وحاجات كده وكمان بيتكلموه عن فشل الاضراب ودلوقتى هسيبكم عشان نازل اصلى المغرب وهبقا اكمل تانى

للتعليق ..

ياريت

04:00, 2008/7/9 تعليق رائد النجار
ياريت يلتقي كل مدون او معارض او صاحب رأي باخيه هكذا لقاء
لكننننننننن برا السجن

ياريت ناكل فراخ خالتنا ام قطب بس مو في السجن
وللكل موعد مع الحرية

{ الصفحه الأخيره } { صفحه3 من 13 } { الصفحه التاليه }