جيفارا مصر | |
الريس وحاشيته والشعب وشرفاءهازيكم جميعا انا عارف انى غبت عليكم كتير ولكن اليوم اكتب لكم من جديد هنبداء من شوية الناس اللى بيحكموا وبيتحكموا فى وطنا العزيز مصر
نبداء برئيس الجمهورية
هو رئيس الجمهورية منذ 24/10/1981 بداء اول فترة له فى رئاسة الجمهورية بمصلحات مع القوى الوطنية ولكن سرعان ما تبين زيف هذه المصلحة فى انتخابات مجلس الشعب عام 1984 وكنت اول انتخابات تجرى فى عهده وشاهدة هذا الانتخابات قامة التزوير وتوالت الكوراث بعد ذلك ومش هطول عليكم عشان لسه القائمة كبيرة واكيد انتم عارفين التاريخ كويس اكتر منى
امين السياسات فى الحزب الوطنى ونجل الرئيس
هو جمال محمد حسنى مبارك او جمال مبارك امين لجنة السياسات فى الحزب الوطنى وطبعا ولا يخفا عليكم لجنة السياسات هى اللى بتحط الوزارة وتعالو نشوف منذ استحداث لجنة السياسات مين الوزرات اللى جاءت وزراتين وزارة عبيد وبعديها نظيف طبعا مع التجديد للاتنين وزارة عبيد المسئوالة عن اغراق الجنية المصرى والشركات اللى اتباعة والامراض اللى انتشرت بس مكنش فيها هبل واحتكار زى اخونا اللى جاى يعنى مكنش فيه غلو اسعار زى النهاردة بس بردوه عاطف عبيد كان من الولاد الواحشين وبعديه جاء احمد بك نظيف اللى نظف البلد من الناس البيئة الواحشين اللى هما الشعب يعنى تقدر تقول انه جواعهم شوية وغلاه الاسعار تلات اربع شويات وطبعا وزارته هى وزارة رجال الاعمال ويعنى تقدر تقول عليه باع المصانع وقمع الشعب واحتكارت البلد فى عهده طبعا هى محتكرة قبل كده بس مش بالبجاحة دى يعنى تقدر تقول على وزارة نظيف وجمال مبارك ورجالته انهم منشاؤه نظرية البجاحة فى مصر المهم دى الوزرات اللى قام على تشكيلها الاخ جمال ورجالته المهم جمال ظهر على الساحة السياسية من 98 وكان امين الشباب فى الحزب الوطنى طبعا قبل منها كان موطف غى احد بنوك انجلترا وفشل هناك عشان طبعا هماك مفيش محسوبية المهم وبعديها بشوية انشاءوه له لجنة السياسات عشان يبقا اخينا هو اللى بيتحكم فى البلد وكفاية عليه كده انهاردة
صفوت بك الشريف : امين الحزب الوطنى ورئيس مجلس الشورى ورئيس لجنة شئون الاحزاب
هو الرائد صفوت الشريف احد ضباط المخابرات العامة فى حقبة ما قبل واثناء النكسة واتشال بعد النكسة فى المحاكمات اللى حصلت يعنى الراجل واحد من المتسببين فى النكسة ولكنه الان يعيش عصره الذهبى فهو واحد من رجالة الريس الموثوق فيهم من الريس شخصيا والمتمسك بهم اخونا صفوت انا اوعا عليه وهو وزير اعلام وكان اجدع واحد يرد فى المؤتمرات الصحفية ويقدر يلوى الحقائق كويس اوى المهم اخونا صفوت دلوقتى هو امين الحزب الوطنى ورئيس مجلش الشورى ورئيس لجنه قرف الاحزاب شوفتوا احنا اد ايه بلد ديمقراطى طيب امين الحزب وماله ملنش دعوة يبقا رئيس مجلس الشورى وماله بردوه معاهم الاغلبية المزورة لكن يبقا فيه بلد محترم فى العالم يكون فيه الخصم هو الحكم ده شى لا يعقل يعنى اخونا امين الحزب الوطنى وهو بردوه اللى فى ايده الموافقة على الاحزاب شوفوا ازاى وياريت على كده وبس ده مش بيوافق وبس ده كمان بيعمل الانشقاقات فى كل الاحزاب يعنى اخير ا ومنذا اسبوع على الاكثر اخونا انسحب من استشكاله ضد المفصول من حزب الغد واللى بينازع على رئاسته دلوقتى واحد من اخونا البعده بردوه موسى مصطفى موسى واعترف بيه رئيس لحزب الغد وطبعا اخونا موسى واحد من المرضى عنهم يا جماعة وبردوه ده اخوه فى لجنة السياسات المهم نشوف اللى بعده
وزير الداخلية : حبيب باشا العادلى
انه حبيب العادلى رئيس جهاز مباحث امن الدولة السابق ووزير الداخلية الحالى اخونا حبيب العاجلى اكتر واحد طول فى وزارة الداخلية مفيش حد قدر يحتفظ بالمنصب ده زيه المهم العادلى يا اخوانى هو واحد من اكثر الناس شرسة ووحشية فى العالم اخونا حبيب متخصص قمع وتعذيب واذلال للشعب المصرى يعنى ممكن نقول عليه مجرم حرب المهم قام فى عهده بقمع كل السياسين فى البلد معارضين ومستقلين وكمان العلماء والشيوخ والاخوان والسلف والعلمانيين وكله يعنى اخونا العادلى مخلش حد شريف فى مصر الا لما ذاله واخونا العادلى هو العمود المؤسس لنظرية البجاحة فى مصر يعنى من الاخر اضربو دماغكم فى الحائط ولعلى اتذكر معه اخونا العادلى لما تم قصف جامعة الاسكندرية فى 2002 ايام مظاهرات الانتفاضة واعنى بكلمة قصف كل ما تعنيه الكلمة من معانى واستشهاد احد الطلبة واعتقال 53 طالب وبعدها بداء سلسلة الانتقام المدوى من الطلبة والشباب فى مصر واللى انا بقالهلكم ده مقتطفات بس من اللى عمله عشان لو حبيت ارصده بشكل جيد هكتب فيه سلسة كتب المهم نيجى على كفاية وبداية الحركة الناشطة ضد النظام الفاسد فى مصر والغد وايمن نور وطلعت السادات والاخوان والتجمع والوفد وكله الوطنين فى هذا البلد ونروح على يوم الاستفتاء بتاع المادة 76 اليوم الاسود للصحفيات فى مصر واتذكر اتباع بقيت قيادات الداخلية نفس نظرية البجاحة وهى عندما تم استضافة بعض الصحفيات المعتدى عليهم وفى برنامج الحقيقة بتاعت الاستاذ وائل الابراشى واستضاف ايضا اللواء نبيل لوقا بباوى لوما الصحفيات اتهمم اللواء الشاعر مدير امن القاهرة الان بانه كان هو الذى يحرك هولاء البلطجية والنساء والداخلية اللى شاركت فى هذا اليوم الاسود وانه هو اللى وراء اللى حصل للصحفيات واتعرض بعدها فيلم مصور عن اللى حصل ولكن يطلع اللواء بباوى ويقول ده محصلش وانهم كدابين وان اللواء الشاعر متربى وابن ناس وميعملش كده يعنى الشاعر ابن ناس والصحفيات ولا كلب ويمكن ميكونوش ليهم اهل ولا اصل ولا فصل من اساسه المهم نروح على الانتخابات الرئاسية والتزوير اللى حصل فيها ويعنى مش هنتكلم فيها عشان هى مش مستهلة كلام وبعديها انتخابات الشعب والتزوير والفرم والضرب وكل شى تتوقعه حصل فيه وبعديها نروح على القضاة واللى حصل فيهم وقبل ما انساه طبعا اللى حصل لايمن نور وحزب الغد وبعد القضاء المهندسين والصحفيين والمعلمين والعمال وبعدين نشوف دلوقتى حالات التعذيب اللى اتكشف عنها وبعد السجل كبير وهخلص على كده
المهم انا شكلى طولت عليكم اوى دلوقتى هعرضلكم صور اخونا اللى بيتحكموا فى البلد وبعديها صور الشعب المصرى اللى عايش عيشى الترف وبعديها صور جزء من اللذين دفعوا ثمن شرفهم ودافعو عن حقوق البلد دى
طبعا انا تعبت اساسا من الوجوه دى وكفاية الشوية دول
ونروح للشعب اللى عايش عيشة الترف
دى كانت صور شعبنا العظيم
ودى صور بعض من الذين دفعوا ثمن وطنيتهم وشرفهم من اجل هذا الوطن
ايمن نور ستبقا واحد من افضل رجال هذا الوطن
طلعت السادات رجل فى زمن قل فيه الرجال
القضاة انت الحصن الاخير فى هذا الزمان
محاكمة الشرفاء من هذا الوطن امام المحاكم العسكرية
شباب المعارضة والشباب الذى يريد الحرية لبلده هذه الصورة تعبر لما يتعرضو له
لو اخوان اوعا تصيف ولا تمشى فى الشارع ولا تعيش فى وسط الناس يعنى من الاخر شوفلك كوكب تانى
اخيرا تحية اجلال وتعظيم لكا من يناضل من اجل هذا الوطن مــــــــــــــــــــــصــــــــــــــــــــــــــــــر
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ للتعليق .. { الصفحه الأخيره } { صفحه8 من 13 } { الصفحه التاليه } |
 من أنا؟ الأرشيف أقلام صديقة البوم الصور      
 
   
  مواقع أعجبتنيالأقسامآخر المقالاتابطال 6 البريل بلاسكندرية لحظات الرحلة والاعتقاليوميات معتقل فى سجن الغربنيات : جزء 2 يومياتى فى المعتقل :6 ابريل : جزء (1) 6 ابريل يوم كل المصريين ( اضراب عام) العدالة لركانة حمور تضامنو ا مع النشطاء فى سوريا مدونات صديقةomarmhmh |
|
